ET RÜCH NOH KARNEVAL
Et rüch noh Karneval

Botterweiche Jummibrütche, Öllig, Kies un Mett,
müffele met enem Kölsch un met enem Asbach öm de Wett.
Piccolöche, Currywööschje, Frikadelle, Flönz,
Priese wie em Puff, nur dä Jeroch es ömesöns.

Et rüch noh Karneval
Mer rüch et üvverall
Dat hammer en d’r Nas,
dat hammer all em Bloot.
Et rüch noh Karneval
Un Karneval rüch joot.

De Sitzungspräsidente han d’r Angsschweiß op d’r Stehen
Et Rita dämp em eijene Saff em Lappemannskostüm.
Fussije Perücke, die klääve un dann jöcke,
Et rüch nit suur, et rüch nit söß,
et rüch noh bläcke Fööss.

Et rüch noh Karneval…

Jedes Johr em Winter, wenn et Trömmelche jeit
Froch ich mich, woröm mer sich dat alles he andeit.
Stundelang bei Ies un Schnei un es d’r Zoch vorbei
Do stommer nevven d‘r Dixi-Klos en d’r letzte Reih.

Et rüch noh Karneval…
© BLÄCK FÖÖSS