Text & Musik: Olaf Didolff, Uli Winters, Bläck Fööss
ALLE:
Hau noch ens Öl en de Pann vun d’r Mam
Mir wulle immer noch Rievkoche han
MIRKO:
Et Katrin es neu jebore
Zick et bei Tinder es
Hück lääch mer sech mem Scooter
Statt mem Rollbrett op de Fress
ERRY:
Lange Samsdaach en d’r City
Es jetz de janze Woch
Dat et Wasser vun Kölle jot es
dat jläuve mir immer noch
PIT & MIRKO:
Un en d’r Kayjass Nummero Null
do steiht en Montessorischull
REFRAIN ALLE:
50 Johr met Musik em Bloot
50 Johr - et deit immer noch jot
All die Leeder, die de hück noch kenns
Die singe sujar noch de Pänz
vun d’r Pänz vun d’r Pänz
ERRY:
Em Bickendorfer Büdche
Es jetzt ene Hermes Shop
Un mer klopp sech an der Tankstell
Singe Kaffee en d’r Kopp
BÖMMEL:
Dat Rita drink mem Linda
Se sin ald fix & foxy
„Uns Kino un uns Stammlokal sin fott,
Dat schöne Roxy!“
ERRY & BÖMMEL:
En Bud met Aussich vum Balkon
koss dreimol mih wie uns’re Dom
REFRAIN ALLE:
Op die 50 Johr, jo, jo, jo, jo...
PIT:
En de Weetschaff op d’r Eck
es hück en Wettbüro
Dä Kaczmarek es Huusmeister
vum Aapehuus em Zoo
PIT & MIRKO:
Op singer joldene Huhzick
Danz en Birkesdörp dä Buur
Hä hürt de Bloskapell nur noch
met Hürjerät em Uhr
PIT & MIRKO:
Un ich laach mem Meiers Kättche
weil et zo schwer es für mi Rädche
REFRAIN (x 2) ALLE
ALLE: Op die 50 Johr, jo jo jo jo...
…op die nächste 50 …jo, jo, jo…