KÖLLE LIEBT DICH
Text und Musik: Uli Baronowsky, Bläck Fööss
Keiner liebt Dich - Su wie Kölle
Kölle liebt Dich - Su wie ich - Dich
Keiner liebt Dich - Su wie Kölle
Kölle liebt Dich - Su wie ich - Dich
Wohoho – Wohoho
Wohoho – Wohoho
Wohoho – Wohoho
Kölle liebt dich
Jeder Wäch dä föhrt zo mir
Ejal woher do bes
Sibbe Bröcke han ich jebaut
Domet do zo mir küss
E Veedel han ich dir jeschenk
Di Fleckcher op d’r Ääd
Wat us däm Millionedorf
Ding Heimat Kölle määt
Ich ben nit nur us Stein jemaat
Ich han Hätz un Siel
He levve Minsche aller Aat
E herrlich Jewöhl
He es nit alles Jold wat jlänz
Dofür es et schön bunt
Jevv üch die fünnefte Johreszigg
Dat määt et Johr eets rund
Wenn ehr zosamme singe doot
Dann hür ich üch jähn zo
Selvs wenn mer´t üch verbeede deiht
Mir singe suwiesu
Jeihs do och ens fott vun mir
Dann halt ich dich nit op
En mingem Hätz bliev immer Platz
Do verloss dich drop