Text + Musik: Bläck Fööss
Jeden Ovend kütt hä widder
un kei Minsch kann dat verston.
Hä kütt met singem Porsche
un dä muß direk för'm Enjang ston
Die Bedienung en "Moni's Bier-Bar" drück R3
(je t'aime) wenn se en süht
denn der Star en "Moni's Bier-Bar" dat es d'r Büb.
Refrain: Dat es d'r Büb us "Moni's Bier-Bar"
he es hä d'r jroße Mann
alles es öm in versammelt
all die Fraulück künnt hä hann.
Jede möch ens met im danze
Manche bliev bes janz zom Schluß
un hoff hück Ovend fährt d'r Büb mich
met singem schnelle Porsche noh Hus.
D'r Moßanzoch us blauem Samp
op Tailje anjepass
versprich dem Mädche an d'r Bar
hück Ovend stemp de Kass
ne Barhocker dä wed freijemaat
d'r Whisky kalt serveet
jeder stüß ens met im an
un wad wat noch passeet.
Refrain: Dat es d'r Büb us "Moni's Bier-Bar" ...
Dem Büb sing Schau en "Moni's Bier-Bar"
es des Naaks öm zwei vorbei
denn morjens fröh öm sibbe Uhr
muß hä widder en de Metzjerei
he heiß et schlaachte, schlaachte
wie all die and're
die och nit vill ze sage han
Doch d'r Büb weiß dat hä ovens
en "Moni's Bier-Bar" fahre kann.
Refrain: Dat es d'r Büb us "Moni's Bier-Bar" ....