Musik: H. Knipp, Bläck Fööss
Text: H. Knipp, Bläck Fööss
Verlag: De Bläck Fööss Musikverlag GmbH
Jahr: 1979
1. Hück sin se widder ens all beienein,
Tant Änni met Anhang, d'r Jupp kütt allein.
Tant Rosa met Enkel, d'r Schäng kütt met Frau,
un et Cilly mem Matthes, jo, dä es mihstens blau.
Alles en allem jot fuffzich Mann,
un die fangen jetz all an ze singen an:
Refrain:
Wenn sich de Familich triff,
kütt nur vun allem et Beß op d'r Desch.
Dann weed jesunge, jeschwad un jelaach.
Dat jitt en herrlich, herrlich, herrlich,
dat jitt en herrlich lange Naach.
Dat jitt en herrlich, herrlich, herrlich,
dat jitt en herrlich lange Naach.
2. Et Rosa käut Printe, d'r Hein köpp e Ei,
Tant Traut hät wie immer jet Natron dobei,
et vürnehme Nies un d'r Schäng schlürfen Sekt,
die vierhundert Häppcher, jo, die sin längs schon weg.
D'r Päul hät noch jrad en Mettwoosch erwisch,
die loch ungerm Desch zweschen Erdnöß un Chips.
Refrain:
Wenn sich de Familich triff...
3. D'r Klös sät: „Dat Kölsch, dat schmeck ävver jot."
Dobei hä us jlasije Äujelcher luurt.
"Ich künnt se bütze, die Bierbrauerei",
sät drop et Änn, un zapp sich noch ei.
Et Kätt zeich Brilljante, an jeder Hand zwei.
"Ich haner noch mih", sät et janz nevvebei.
4. De Pänz sin am knaatsche un wolle noh Hus,
do klopp et vun unge, "nu maat endlich Schluß"
Mensch, wo die Zick bliet, schon Veedel op ein,
dröm sprich jetz zom Schloß noch ens d'r Onkel Hein:
"Freut euch des Lebens, nur so hat es Sinn,"
do fällt im de Äsch en et Wingjlas eren.
Refrain:
Wenn sich de Familich triff...
Un och de Nohberschaff bliev dobei wach.
C-Teil:
Un d'r Ühm, dä hück Jebootsdaach hät,
jo, dä litt schon zick Veedel op aach em Bett.
Ra la la la Ra la la la la, Ra la la la la
Ra la la la Ra la la la la, Ra la la la la