MINGE DRACHE
Musik: H. Knipp, Bläck Fööss
Text: Bläck Fööss
Verlag: De Bläck Fööss Musikverlag GmbH
Jahr: 1983


Refrain:
Wie minge Drache fleje,
huh en de Wolke ze steije,
jläuv mer, dat es e stark Jeföhl,
einfach esu ohne Ziel.
Un dann do bovven schwebe,
sich einmol ens janz frei bewäje,
ohne die Kood, die bestemme kann,
wie huh, wie wick un wie lang.

1. Dä Draum hatt ich schon als Kind,
wenn em Herbs bei Wedder un Wind
minge Drache bunt am Himmel stund,
un d'r Wind en metnohm janz huh,
wie hä dann janz klein wood em Nu,
do stund ich ungen un han im nohjesin
un wünschten, ich wör bovven bei em.

Refrain:
Wie minge Drache fleje...

2. Ävver manchmol, do wor hä wie doll,
ich hatt kaum noch Kood op d'r Roll,
un wenn hä dann wie weld verröckjespillt,
trok ich langsam un hösch an d‘r Ling,
bis hä sich irjendwann widder fing,
dann wor et jot, doch lang hät et nie jedort,
bis hä widder nixnötzich wood.

Refrain:
Wie minge Drache fleje...

© BLÄCK FÖÖSS