Musik: F. Hoock, Bläck Fööss
Text: F. Hoock, Bläck Fööss
Verlag: De Bläck Fööss Musikverlag GmbH
Jahr: 1970
Refrain:
Mam, Mam, schnapp d'r de Pann,
mir wolle Rievkoche han.
Mam, Mam, fang doch flöck an,
fuffzehn Stöck pack op d'r Mann.
Denn Rievkoche, dat es en Delikatess,
die schmecken am allerbess,
un kriste noher jet Buchping, oh jös,
do lähste dich flöck en de Kess.
1. Wer Rievkoche eins hät erfunge,
dat wor ne Erfinder janz jroß,
denn dat es im joot jelunge,
och wenn et jet Öl hät jekoß.
Wat sulle mer met Austern un Schnecke,
wat sulle mer met Spaghetti un Schlot.
Mer lossen uns Rievkoche schmecke,
un maachen uns flöck e paar parat.
Refrain:
Mam, Mam, schnapp d'r de Pann...
2. Ich jing eines Friedachs durch Kölle,
leev Lückcher, do wor jet los.
Ich kann et üch joot verzälle,
no Rievkoche roch jede Stroß.
Frau Böllmann, die wor fies am schänge,
de Katz froß de Rievkoche op.
Frau Schmitz wor de Deich noch am menge,
do reef schon dä allerkleinste Stropp:
Refrain:
Mam, Mam, schnapp d'r de Pann...