Musik: T. Freier, A. Kröll, Bläck Fööss
Text: R. Hömig, P. Fischer, Bläck Fööss
Verlag: Maskott GmbH
Jahr: 1984
1. Jo, wenn d'r Aufzoch klemmp un de Mülltonn brennt
un em janze Huus et Leech usfällt,
es em drette Stock d‘r Klo verstopp,
alles weed bei mir jemeld.
Och wenn Wasserrühre lecke,
dun se mich och naaks für wecke,
dat es minge Job.
Dreck en d'r Eck un ne Fleck an d'r Deck,
sidder dann jeck, wem es dä Dreck? Muß weg.
Hey Kaczmarek-jo, jo.
Hey Kaczmarek-Ben schon do.
Hey Kaczmarek-Wat es loß?
Hey Kaczmarek-Ich kumme.
Refrain:
Huusmeister - Siedlungskontroletti
Huusmeister - alles feß em Griff
Huusmeister - alles schön paletti
Huusmeister - met d'r Werkzeuchkess.
2. Decke Schruve, dönne Schruve,
Dübbele für enzemuure,
Säjeblädder, Winkelieser,
Bohrmaschine, Schliefmaschine
Röllche für Jardingeschiene,
Ratschekaste, Pinselquaste,
alles en d'r Werkzeuchkess.
Et jitt immer jet ze säje,
jet ze bohre oder fräse,
lieme, näle oder Klingeldroht verläje,
Dachantenne amputiere, installiere,
Stromzählerkaste kontrolliere
Hey Kaczmarek - Wat läuf?
Hey Kaczmarek - Kein Zick!
Hey Kaczmarek - Ich muß weg!
Hey Kaczmarek - Mañana!