Musik: Bläck Fööss
Text: H. Knipp
Verlag: De Bläck Fööss Musikverlag GmbH
1. Spellmannszöch höt mer üvverall,
un de Trumme met hadem Knall.
Och de Ferke die quieken em Stall.
Wenn en Berkesdörp d'r Buur op d'r Huhzick danz,
jo wenn en Berkesdörp d'r Buur op d'r Huhzick danz.
2. Schötzebröder kummen an
us dem Dörp vun nevvenan
strahlend fein en jrönem Jlanz.
Wenn...
3. Feuerwehre kummen flöck
met de Löschzöch anjeröck.
Hoffentlich bliet alles janz.
Wenn...
4. Op d'r Desch mih als jenoch,
kütt e Ferke en enem Troch
un pro Kopp en fette Jans.
Wenn...
5. Un dat Esse dot un dot.
Fleisch un Ääpel rötschen joot,
denn dä Wing mät alles mangs.
Wenn...
Refrain:
Links eröm un rächs eröm,
üvver Desch un Bänk un Stöhl.
Links eröm un rächs eröm,
jeder föhlt sich wohl he en dem Jewöhl
6. Un dä Knäch lurt wie verröck,
als et Trina sich flöck böck,
böck noh singem Jungfernkranz.
Wenn...
7. Och d'r Paschter höpp wie jeck,
wie vum Düvel anjesteck
met d'r Mad de Wäng elans.
Wenn...
8. Voll vun Ferke, Zaus un Wing,
litt em Strüh et Stommel's Tring,
doch et hilf im Föschter's Franz.
Wenn...
Refrain:
Links eröm un rächs eröm…
9. Langsam weed et druße hell,
un d'r Hahn krieht om Meß janz schrill.
Medden dren litt Föschter's Franz.
Wenn...
10. Och d'r Paschter kann nit mih,
doch mer hilf im en de Hüh.
Jott sei Dank, hä es noch janz.
Wenn...
Refrain:
Links eröm un rächs eröm…
Links eröm un rächs eröm…
Ralala la la la la la la la la…
Wenn…