Musik: D. Siemes, C. Schneppenheim
Text: D. Siemes
Verlag: Manuskript
Jahr: 1996
Et sin die kleine Saache,
wenn de su an Kölle denks,
die dir et Heimweh maache,
wenn de en d’r Welt römhängs.
E Schwätzje he, un e Schwätzje do,
un an d’r Thek ne jecke Verzäll.
Op e Bier waats de nit en halve Stund,
e Kölsch jezapp es schnell.
Für Fründe es un bliev mer d’r Jung
och wenn de op die Hundert anjeis.
Un janz Kölle jöck et en de Fööss,
wenn et Trömmelche jeit.
Et sin die kleine Saache...
Ne jestandene Käl als Jungfrau, dat es
bei uns he janz normal.
Dä Ress der Republik, dä denk,
die han se nit mih all.
Un vielleich han se rääch
un mir sin all beklopp.
Dat es uns och ejal.
Un ejal wie verdötsch un knatschjeck he einer es,
op et Hätz, do kütt et he an.
Et sin die kleine Saache...
Du häs keine Koffer en Berlin,
du häs noch ene Deckel beim Franz.
Och wenn de’t nit jläuvs,
du wees et schon sin,
et es wirklich wohr:
„Niemals jeit m’r su janz.“
Refrain:
Et sin die kleine Saache…