Text: Bläck Fööss/Knipp
Musik: Bläck Fööss
Refrain:
Mir sin Jode, mir sin Schlächte,
Mir sin manchmol Unjerächte,
Mir sin stark un mir sin schwach,
Mir sin möd , mir sin hellwach.
Mir sin Brave, mir sin Sünder,
Mir sin einfach Minschekinder.
Keine Minsch dä es perfek,
Jedem Minsch däm fählt en Eck.
Vers 1:
Die 3 Aape müsse einfach Kölsche sin
Nix hüre, nix sage, nix sin.
Die han och Bröder, die och nit vill besser sin,
Nix künne, nix wesse, nix dunn.
Luurt üch nur, dat Chaos ahn,
do kritt mer doch en Aap.
Jo un su kütt et, dat uns janze Stadt ein Baustell es,
un wäm verdanke mir dä Dress?
Refrain:
Vers 2:
En dä Aape steck och jet vun uns Minsche dren,
wie se zänke, jöcke un höppe.
Doröm jeiht et he en Kölle och esu zo wie em Zoo
wie se biße, strigge un kloppe
Dä leeve Jott hät sich jesaat,
die häs de fein parat jemaat.
Su jet jitt et doch nur eimol he op uns´rer Ääd,
Dat es die kölsche Mentalität.
Refrain:
wie vor, plus letzte Zeile:
un wä meint hä wör perfek,
jo däm fählt die jrößte Eck