Musik: Bläck Fööss, H. Knipp
Text: Bläck Fööss, H. Knipp
Verlag: De Bläck Fööss Musikverlag GmbH
Jahr: 1982
1. Dä Mann setz en d'r Chefetage, hä es sehr jepflech,
för singe Ömsatz es im einfach jedes Meddel räch.
Hä sät: „Ich dun doch keinem jet, noch nit ens ener Flech",
dä Mann verkäuf Rakete, dä Mann verdeent am Kreech.
Dä Mann, dä hät kein Hemmunge,
hät si Jewesse en d'r Täsch.
Refrain:
Dä Mann es top, ävver beklopp,
total beklopp.
Dä Mann es top, ävver beklopp.
2. Dä Mann es Biochemiker, hä arbeit cool un clean,
hä funktioniert jenau esu präzis wie en Maschin.
En singem wieße Werkslabor, do es hä souverän,
un wenne joot jearbeit hät, han mir dä suure Rän.
Dä Mann, dä hät kein Hemmunge,
hät si Jewesse en d'r Täsch.
Refrain:
Dä Mann es top, ävver beklopp...
C-Teil
Hä hät jet om Kaste,
hä hät jet em Kopp,
hä es einfach spitze,
dä Mann, dä es einfach
top, ävver beklopp.
3. Dä Mann, dä es Politiker, jenausu süht hä us,
un wenn dä Mann em Fernsehn sprich, dann kütt nur Lall erus.
Für sing Partei kassiert hä klammheimlich och vun Flicks,
dä Mann betont sing Ihrlichkeit, dä Mann es afjewichs
Dä Mann, dä hät kein Hemmunge,
hät si Jewesse en d'r Täsch.
Refrain:
Dä Mann es top, ävver beklopp…