Musik: H. Knipp, Bläck Fööss
Text: H. Knipp, Bläck Fööss
Verlag: Manuskript
Jahr: 2000
1. Ich wor ne stolze Römer, kom met Caesars Legion.
Un ich ben ne Franzus, kom mem Napoleon.
Ich ben Buur, Schreiner, Fescher, Bettler un Edelmann,
Sänger un Gaukler, su fing alles an.
Refrain:
Su simmer all he hinjekumme,
mir sprechen hück all dieselve Sproch.
Mir han dodurch su vill jewonne.
Mir sin wie mer sin, mir Jecke am Rhing,
dat es jet, wo mer stolz drop sin.
2. Ich ben us Palermo, brat Spaghettis für üch met,
Un ich, ich wor ne Pimock, hück laach ich met üch met,
Ich bin Grieche, Türke, Jude, Moslem un Buddhist,
mir all, mir sin nur Minsche, vür’m Herrjott simmer jlich.
Refrain:
Su simmer all he hinjekumme...
3. De janze Welt, su süht et us, es bei uns he zo Besök,
Minsche us alle Länder ston mit uns hück an d’r Thek.
M‘r jläuv, m‘r es en Ankara, Tokio oder Madrid,
doch se schwade all wie mir, un söke he ihr Jlöck.
Refrain:
Su simmer all he hinjekumme...